Bo ta na estado? Pabien! Ser mama ta un di e tareanan di mas bunita den bida, pero tambe un di esnan di mas difísil. Si bo tin hopi problema , ta bira difisil pa bo disfrutá di bo embaraso. Strès por tin mal efekto tambe riba e salú di bo yu. P’esei ta importante pa bo haña yudansa i guia, pa bo mes i tambe pa un bon komienso di e bida di bo bebi. Gemeente Rotterdam tin un programa pa esaki: Moeders van Rotterdam. Si bo ta pensa ku bo por hasi bon uso di e yudansa di Moeders van Rotterdam, òf si bo ke mas informashon, yena bo nòmber, number di telefòn i e idioma ku bo ta papia akibou. Nos lo tuma kontakto ku bo mas pronto ku ta posibel.